MKUU wa Mkoa wa Arusha, Nd. Magesa Mulongo ameapa kumchukulia hatua
kali Mkurugenzi wa jiji la Arusha,Sipora Liana na amempa siku sita amwombe
radhi,yeye pamoja na Mkuu wa Wilaya ya Arusha, Nd. John Mongela kupitia Kamati
ya Fedha na Utawala kutokana na tabia yake ya umbea na maneno ya uchonganishi.
Aidha amewasihi Wakuu wa Idara na wafanyakazi wa jiji hilo kutimiza
majukumu yao na kutokubali kudanganywa kwani kunyamaza kwake si kwamba hawezi
kuchukua maamuzi.
Mulongo alitoa onyo hilo katika kikao cha kazi cha jiji la Arusha
alichokiitisha kwa ajili ya kujadili mpango wa matokeo makubwa sasa katika
sekta ya elimu, ukusanyaji mapato na mifugo ambacho kiliwashirikisha Madiwani,
Wakuu wa Idara,Wenyeviti wa tarafa, na
Kamati ya ulinzi na usalama ya mkoa.
Alisema amemvumilia kwa muda mrefu Mkurugenzi huyo lakini sasa
ameshindwa na ifikapo Disemba 28 kama atakuwa hajamuomba radhi, atamng’oa iwe
fundisho kwa watendaji wengine wenye tabia kama hiyo.
Alisema si mara ya kwanza kwa Liana kumsingizia uongo kuwa yeye
(Mulongo) ameamrisha wamachinga kurudi kwenye mitaa mbalimbal ya jiji la
Arusha.
Alisema
Mkurugenzi huyo aliwahi kuandika barua kwa Waziri
Mkuu,MizengoPinda kudai yeye ameagiza Mkurugenzi wa kampuni ya
Skytel,Allbless Shoo, aliyepewa zabuni ya kuweka matangazo maeneo
yenye taa jijini humo na kukusanya ushuru kuwa, apewe zabuni bila
kufuata
taratibu kwa sababu amemuahidi ‘kitu fulani.’
Alisema waliitwa na Waziri Mkuu kuzungumzia suala hilo ikiwemo suala
la kumtuhumu Meya wa jiji la Arusha, Gaudence Lyimo kuwa aliandika ‘invoice’ ya
shilingi milioni 20 ili aweze kuwahudumia wageni waliofika jijini humo kwa
ajili ya chakula lakini Liana alipofuatilia aligundua ni shilingi milioni 5 .
Aidha alisema Mkurugenzi huyo alimtuhumu Mkuu wa Wilaya kuwa amekuwa mpenda posho kwenye vikao vya
kamati katika halmashauri hiyo huku akisema maafisa usalama,Mkuu wa Mkoa,Mkuu
wa Wilaya na Meya ni wezi wakubwa wa fedha za umma.
“Hivi unawezaje kufanya kazi na watu ambao wana matatizo, tumezushiwa
uongo ambao nimeona bora ninyamaze yapite lakini kumbe unaponyamaza yanakuja
mengine tena,” alisema.
Aidha alisema Mkurugenzi huyo alitaka kuanzisha mahakama ya kuwafunga
machinga wanaokaidia kuhama na tayari alishaanza mchakato wa kuomba mahakimu wa
kuendesha kesi na askari wa kuwakamata bila kujalidiana na mkoa.
Ametoa siku 6 kuanza jana
akimtaka Mkurugenzi huyo kuitisha kikao cha kumwomba radi yeye,Mkuu wa
Wilaya, Meya, Katibu Tawala na maafisa usalama aliowaita wezi na wala rushwa.
Post a Comment