 |
| James Holmes muuaji wa watu 12 |
Mpaka mwaka mmoja uliopita James Eagan Holmes alionekana
mwananchi wa kawaida tu wa Marekani. Kijana mzuri kabisa.
Mpenda michezo, mtu wa familia, msomi, kijana kutoka jiji la
San Diego, California, alionekana kuwa na mambo makubwa mbele.
‘Alikuwa akiosha gari la wazazi wake, alicheza soka’ alisema
Tom Mai, ambaye ni jirani wa familia ya Holmes kwa miaka 15.
‘Tulikuwa tukinywa
pamoja wakati wa Christmas na aliwapa ‘cookies’ wanangu, alikuwa kijana wa
kawaida wa kimarekani. Hakukuwa na kitu kibaya kwake.’
 |
| Alipona chupuchupu: Marcus Weaver akonesha majeraha ya risasi mkononi |
 |
| Vilio |
 |
| Eneo la tukio |
 |
| Silaha aliyotumia |
Juzi, Holmes, 24, akiwa na silaha nzito ikiwemo Remington
shotgun, gobole aina ya AR-15 na zingine, aliamua kuyakatisha maisha ya wapenzi
12 wa filamu waliokuwa wameenda kutazama tolea jipya la filamu ya Batman huko
Denver, Colorado.
Akiwa amedhamiria kumaliza kila aliyekuwa mbele yake na bila
huruma hata chembe, Holmes aliwaua watu 12 akiwemo mtoto mdogo mwenye miaka
sita, Veronica Moser.
 |
| Jessica Ghawi miongoni mwa waliouawa |
Pia aliwapa majeraha ya kudumu watu wengine 59, akiwemo
mtoto mchanga mwenye miezi mitatu.
Baada ya kukamatwa mtu huyo alisema yeye ni Joker! Adui
mkubwa wa Batman, hakuna kingine! Akili
yake ilikuwa inamtuma kuwa hapo alikuwa ndani ya movie hiyo. Punguani,bila
shaka!
Juzi tena yakaibuka mengine kuhusu muuaji huyu kwamba mapema
mwezi huu alikuwa amejiandikisha kwenye mtandao wa kutafuta wachumba wa
AdultFriendFinder na akaandika kuwauliza wanajamvi “Mtanitembelea jela? (‘Will
you visit me in prison?’)
Kuna ripoti kuwa mama yake Arlene na baba yake Robert, meneja
wa kampuni ya software anayeishi kwenye nyumba ya vyumba vinne alijua tu bila hata kuuliza kuwa mtoto wake
ndiye aliyehusika baada ya kusikia maujia hayo ya juzi Ijumaa.
Wazazi wake walikuwa wanajua kinachoendelea kwa mtoto
wao huyo tangu mwaka jana. Alikuwa akipendelea kutembelea mitandao ya ngono, akitumia madawa na kuwaacha majirani
wa mjini mdogo wa Aurora uliopo jijini Denver na ishara kuwa kijana huyu
alikuwa na matatizo makubwa.
Polisi wanaamini kuwa kijana huyo alikuwa amekuwa mlevi
wa filamu za Batman na kuna ripoti ambazo bado hazijathibitishwa kuwa alijikuta
akitumia sana dawa za kupunguza maumivu za Vicodin, ambazo zilikutwa kwenye
mfumo wa damu wa muigizaji marehemu Heath Ledger, ambaye aliigiza kama Joker
kwenye filamu ya Batman. Ledger alifariki kutokana na overdose mwaka 2008.
 |
| Mashuhuda |
Hadharani, angalau wazazi wa Holmes hawasemi iwapo
wanafahamu ama kukisia nini kilimfanya mtoto wao achukue uamuzi huo.
Watalaam, wanaamini kuwa Holmes alikuwa na tatizo la
kisaikolojia ambalo lingekuja kulipuka katikati ya miaka 15 na 25.
Holmes alianza kusoma PhD ya neuroscience kwenye chuo
kikuu cha dawa cha Colorado mjini Denver mwaka jana lakini aliacha mwezi
uliopita.
Kozi ya mwisho aliyoichukua ilikuwa ni ya magonjwa ya
akili na psychiatric disorders.
Awali alisoma kwenye chuo kikuu cha California ambako
alipata first-class kwenye degree ya neuroscience.
Mkuu wa chuo hicho, Timothy White alisema Holmes alikuwa
mwanafunzi mwenye akili.
 |
| Rais Obama akiwakumbuka marehemu siku ya ijumaa |
Licha ya kuwa na shahada Holmes alilazimika kutafuta kazi
kwenye mgahawa wa McDonald wa eneo analoishi baada ya kuhitimu mwaka 2010.
Mr Mai alisema: ‘Hakupata kazi hivyo aliamua kurudi shule
kusomea udaktari wa falsafa.
Juzi usiku mama yake Holmes aliungana na mama yake nyumbani
kwao San Diego ambako kulikuwa kumefurika waandishi wa habari. Baba yake
aliwasili Colorado na kupelekwa jela aliyowekwa mwanae ambaye alikuwa amewekwa
peke yake kwa usalama wake mwenyewe.
July 5 mwaka huu, Holmes alifundua akaunti kwenye mtandao
huo wa kutafuta wachumba kwa jina la ‘ClassicJimbo’.
Post a Comment