Mwili wa aliyekuwa
msanii mahiri katika game ya Bongo Flava hapa Tanzania, Albert Mangwea
umewasili leo nchini kutokea Afrika Kusini na kupokelewa na umati wa ndugu,
marafiki na mashabiki wa kazi zake ambao kila mmoja ameguswa kwa namna yake na
msiba huu mkubwa, Na hii ni tayari kwa shughuli za kutoa heshima za mwisho hapa
jijini Dar siku ya kesho kabla ya kuelekea Morogoro kwaajili ya maziko.
Hali imekuwa ni ya
hamaki na huzuni katika Uwanja wa ndege wa kimataifa wa Julius Kambarage
Nyerere wakati wa kuwasili kwa mwili huu ambapo hii ndiyo hali halisi
ilivyokuwa.
Wasanii mbalimbali
wameweza kujitokeza ikiwepo kubeba msalaba na kusindikiza gari lililokuwa
limebeba mwili wa marehemu na sehemu kubwa ya watu wakiwa wanataka jeneza
lishushe kwenye gari na kubebwa na wao.
Raia hawa waliojitokeza
kwa maelfu walikuwa wakiimba nyimbo mbalimbali za kuonyesha ni kwa jinsi
gani walikuwa wakimpenda
marehemu
Post a Comment